Tuesday, April 6, 2010

ഡാഡി മമ്മി വീട്ടില് ഇല്ലൈ.......

ഹേ ഡാഡി മമ്മി വീട്ടില് ഇല്ലൈ , തട പോട യാറും ഇല്ലൈ , വിളയാടുവോമാ ഉള്ളെ വില്ലാളാ........
ലേറ്റസ്റ്റ് തമിഴ് സിനിമാഗാന ഈരടികള്‍ അവനെ സ്വപ്നലോകത്തു നിന്നുണര്‍ത്തി. "ആരാണാവോ ഈ കൊച്ചു വെളുപ്പാന്‍കാലത്ത് മനുഷ്യനെ മെനക്കെടുത്താന്‍."

ഫോണ്‍ ഒാഫ് ചെയ്യാനാണ് ആദ്യം തോന്നിയത്. പക്ഷെ പെട്ടെന്ന്‍ ഒരു ഉള്‍വിളി. പുലരാന്‍ കാലത്ത് കാണുന്ന സ്വപ്നം ഫലിക്കുമെന്ന് കേട്ടിട്ടുണ്ട്. ഇനിയിത് അവളായിരിക്കുമോ? രണ്ടു ദിവസം മുന്‍പ് ലഭിച്ച ആ missed call! അവള്‍ വീടിലേക്ക്‌ വിളിച്ചതായി ദാ ഇപ്പൊ സ്വപ്നം കണ്ടതേ ഉള്ളു.

പതിയെ ഫോണ്‍ ചെവിയോടു ചേര്‍ത്തു. "ഹലോ രാജേഷ് ചേട്ടനല്ലേ".... അതെ കിളിനാദം. അവന്റെ ആഹ്ലാദം അണപൊട്ടിയൊഴുകി. എങ്കിലും പുറത്തു കാണിക്കാതെ അവന്‍ മറുവാക്ക് മൊഴിഞ്ഞു. "അതെ. ആരാണ്?"
"ഇത്ര പെട്ടന്ന് എന്നെ മറന്നോ? ഞാന്‍ സിസിലിയാ, സെന്റ്‌ തെരേസാസിലെ.." അവള്‍ ചിണുങ്ങി.

മനസ്സില്‍ സന്തോഷം അലതല്ലിയെങ്കിലും അവന്‍ നിയന്ത്രിച്ചു. ഇവളൊരു പൊട്ടി തന്നെ. ഇന്നലെ ഞാനിറക്കിയ നമ്പര്‍ നന്നായി ഏറ്റു. എന്നാലും ഇവള്‍ ഇത്ര പെട്ടന്ന് വീഴുമെന്നു കരുതിയതെ ഇല്ല.
"എന്താ പ്രത്യേകിച്ച്?" അവന്‍ ചോദിച്ചു.
"അതെന്താ അങ്ങിനെ ചോദിച്ചേ? എനിക്ക് നിങ്ങളെ വിളിക്കാന്‍ പാടില്ലേ? വിളിക്കണംന്ന് തോന്നി. വിളിച്ചു അത്ര തന്നെ. ഇഷ്ട്ടപെട്ടില്ലെങ്കില്‍ സോറി. ഞാന്‍ വെക്ക്വ." അവള്‍ പിണങ്ങാനുള്ള ഭാവമാണെന്നു തോന്നി.

"അല്ല. ചുമ്മാ ചോദിച്ചതാ. പറ." അവന്‍ മസില് വിട്ടു.
"വേറെ ഒന്നുമില്ല. ഒരു കാര്യം പറയാനുണ്ടായിരുന്നു." അവള്‍ പതുക്കെ അവന്റെ ചെവിയില്‍ മന്ത്രിച്ചു. "ഇന്ന്‍ എന്‍റെ വീട്ടില്‍ വരുമോ? അവിടെ ആരും ഉണ്ടാവില്ല."

ഒരു നിമിഷം വേണ്ടിവന്നു അവനു പ്രതികരണ ശേഷി തിരിച്ചു കിട്ടാന്‍. ഇതാ ഞാനെത്തി എന്ന് പറയാന്‍ തുടങ്ങുമ്പോഴേക്കും അപ്പുറത്ത് ഫോണ്‍ കട്ടായി. അവനൊന്നു തുള്ളിചാടണമെന്നു തോന്നി. ഡാഡി മമ്മി വീട്ടില്
ഇല്ലൈ , തട പോട യാറും ഇല്ലൈ...... ഒരു മൂളിപ്പാട്ടും പാടി അവന്‍ നേരെ ബാത്ത്റൂമിലേക്കോടി.

ഒരു മിനുട്ടിനുള്ളില്‍ എല്ലാം തീര്‍ന്നു. ബൈക്ക് എടുത്തു അവന്‍ കുതിച്ചു അവളുടെ വീട്ടിലേക്ക്. അഞ്ചു മിനിറ്റു കൊണ്ട് അവളുടെ വീട്ടിലെത്തി.....

അവള്‍ പറഞ്ഞത് ശരിയായിരുന്നു.
അവിടെ ആരും ഉണ്ടായിരുന്നില്ല... അവളും!!!!!!!!!!!!!!!

4 comments:

  1. ade..........! ithokke evide ninna varunnandu...?

    ReplyDelete
  2. അപ്പോ ബലാസംഘം...? ..ഒരു കഥയാകുമ്പോൾ ഒന്ന് രണ്ട് ബലാസംഘം മൂന്നാല് ഫൈറ്റ് ..ഇതൊക്കെ വേണ്ടേ..?

    ReplyDelete
  3. @പോണി, ബാലസഃഘം എന്നല്ലേ ഉദ്ദേശിച്ചത്‌?
    കടന്നുപോയ ബാലവിക്രിയകൾ

    ReplyDelete

 

blogger templates | Make Money Online